Monday, 27 September 2010
အမျိုးသားဒီမိုကရေစီအင်အားစု (သင်္ဃန်းကျွန်းမြို့နယ်) ရွေးကောက်ပွဲအောင်နိုင်ရေးလှုတ်ရှားမှုများ
အမျိုးသားဒီမိုကရေစီအင်အားစု (သင်္ဃန်းကျွန်းမြို့နယ်) ရွေးကောက်ပွဲအောင်နိုင်ရေးလှုတ်ရှားမှုများ
Friday, 24 September 2010
Thursday, 23 September 2010
နိုဝင်ဘာ(၇)မှာမဲပေးတာ ကောင်းလား?သပိတ်မှောက်တာကောင်းလား?နှင့် ပယ်မဲ(၈)မျိုး
နိုဝင်ဘာ(၇)မှာမဲပေးတာ ကောင်းလား?သပိတ်မှောက်တာကောင်းလား?နှင့် ပယ်မဲ(၈)မျိုး
by ရွာဆော် ကြီး on Thursday, September 23, 2010 at 7:58pm
၂၀၁၀ ရွေးကောက်ပွဲအား နီဝင်ဘာ(၇)ရက်နေ့တွင်ကျင်းပတော့မည်ဖြစ်ရာ မိမိထည့်သွင်းသော မဲလက်မှတ်အား ပယ်မဲဟု သဘောသက်ရောက်စေသည့်ရွေးကောက်ပွဲကော်မရှင် ပယ်မဲပုံစံ(၈)မျိုးအားတင်ပြလိုက်ရပါသည်..............
မိမိပေးသောမဲတပြားသည် စာရွက်တရွက်ဟုသာယူဆရသော်လည်း နိုဝင်ဘာ(၇)ရက်နေ့တွင်
ကျင်းပမည့် ရွေးကောက်ပွဲမှအသိအမှတ်ပြုသောမဲပေးခြင်းစနစ်သည်အခြားနိုင်ငံများမှကျင့်သုံးသော မဲပေးခြင်းစနစ်တို့ နှင့်ကိုက်ညီမှုမရှိသည်ကိုတွေ့ရသည်။အခြားနိုင်ငံများတွင်မဲဆန္ဒနယ်တနယ်တွင်းနေထိုင်သည်
ဆန္ဒမဲပေးပိုင်ခွင့်ရှိသောလူဦးရေ၏ရာခိုင်နှုန်း(၅၀)မှ
ဆန္ဒမဲပေးမှသာရွေးကောက်ပွဲအားအတည်ပြုသည်ဟုသတ်မှတ်ကျသော်လည်း
မြန်မာနိုင်ငံ၏ရွေးကောက်ပွဲတွင်မှုမည်သည့်မဲဆန္ဒနယ်တွင်ဖြစ်စေ မဲပေးမည့်သူ (၁)ယောက်သာမဲထည့်ပါကလည်း ရွေးကောက်ပွဲအတည်ဖြစ်သည်ဟု
သတ်မှတ်ထားသောကြောင့် သပိတ်မှောက်မည်ဟုယူဆနေကြသော
နိုင်ငံရေးသမား၊ရေဒီယိုနားထောင်ကာ အတွေးချော်နေကြသည့်
လူတတ်ကြီးတို့ သတိပြုဖွယ်ရာဖြစ်သည်။
ဥပမာ...မရမ်းကုန်းမြို့နယ်၏ပြည်သူ့လွှတ်တော်မဲဆန္ဒနယ်တွင် USDPနှင့်NDF တို့မှ ကိုယ်စားလှယ်(၁)ဦးစီဝင်ရောက်ယှဉ်ပြိုင်ကြသည်။သပိတ်မှောက်နိုင်ငံရေးသမားတို့၏
စည်းရုံးမှုအားကြေ့ာင့် မရမ်းကုန်းတမြို့နယ်လုံးရွေးကောက်ပွဲအားသပိတ်မှောက်ကြသည်။
ထို့ကြောင့် NDF ပါတီမှ ကိုယ်စားလှယ်လောင်းသည်မဲတမဲမှမရရှိပေ...သို့သော် USDP မှကိုယ်စားလှယ်ကမှု၎င်း၏ချစ်ဇနီးကမဲတမဲပေးသောကြောင့် ထိုမဲတမဲအသာဖြင့် USDP မှကိုယ်စားလှယ်လောင်းက ပြည်သူ့လွှတ်တော်သို့ရောက်ရှိသွားရသည်။
စဉ်းစားတတ်ရန်လိုအပ်ပေသည်။။မိမိအနေဖြင့် ဘယ်သူလွှတ်တော်ထဲရောက်တာမကောင်းပါ။ဘယ်သူရောက်ရင်တော့ကောင်းတယ်ဆိုသည်ကို ရွှေဥာဏ်တော်ဖြင့်စဉ်းစားကြရန်လိုပေသည်။Anti.Election Proposal ဖြင့် ချမ်းသာသွားမည်မှာ မည်သူဇြစ်သည်ကိုစဉ်းစားသင့်ပါသည်။မြန်မာနိုင်ငံတွင်းနေထိုင်သော နိုင်ငံသားများအနေဖြင့်ရွေးကောက်ပွဲအားမည်သို့ပင်ဖြစ်စေလက်ခံရမည်ဖြစ်ပြီး ထိုအကျိုးတရားအား လက်တွေ့ခံစားရမည်မှာ မိမိတို့ပင်ဖြစ်သည်ကိုသတိချပ်သင့်သည်။ထို့ရွေးကောက်ပွဲတွင်
မဲပေးခြင်း(သို့)၊သပိတ်မှောက်ခြင်းအကျိုးတရားအား ၂၀၁၁ တွင်ခံစားရမည်ဖြစ်သည်။ဥပမာတွင်ပြောထားသည့်အတိုင်း မဲပေးခြင်းဖြင့်ဘာအကျိုးရှိသည်
။မဲမပေးခြင်းဖြင့် ဘယ်လောက်အကျိုးရှိသည်ကို လက်တွေ့အခြေအနေဖြင့်စဉ်းစားသင့်ပေသည်။
နိုဝင်ဘာ(၇)ရက်နေ့တွင် ကျင်းပသောရွေးကောက်ပွဲတွင် ဆန္ဒမဲပေးမည့်သူများအနေဖြင့်မိမိပေးသော မဲလက်မှတ်အားပယ်မဲမဖြစ်စေရန်
ရွေးကောက်ပွဲကော်မရှင်မှသတ်မှတ်ထားသော ပယ်မဲ(၈)မျိုးကို ပြောပြပေးပါမယ်
၁။ကော်မရှင်မှအတည်ပြုထားသော အမှတ်အသားမပါရှိသည့်မဲလက်မှတ်
၂။မဲရုံမှုးလက်မှတ်မပါသည့်မဲလက်မှတ်
၃။ကိုယ်စားလှယ်လောင်းတစ်ဦးထက်ပို၍ဆန္ဒပြုထားသည့်မဲလက်မှတ်
၎။ဆန္ဒပြုထားခြင်းမရှိသည့် မဲလက်မှတ်
၅။မဲလက်မှတ်အတုဖြစ်သည်ဟု မဲရုံမှုးမှသတ်မှတ်သည့်လက်မှတ်
၆၊ဆန္ဒပြုထားခြင်း မသေချာ၊မထင်ရှားသည့်လက်မှတ်
၇။ဆန္ဒမဲပေးသူအားသိရှိအောင်ပြုလုပ်ထားသည့်လက်မှတ်
၈။ဆုတ်ဖြဲထားသည့်လက်မှတ်
သည်(၈)ချက်ကိုသေချာကြည့်လျှင် မဲရုံမှုးအား အာဏာပေးထားသည်မှာများပြားကြောင်းတွေ့မြင်နိုင်သည်။
္မဤရွေးကောက်ပွဲတွင် စစ်အစိုးရအနေဖြင့် အနိုင်ရအောင်နည်းမျိုးစုံသုံးမည်မှာသေချာသည်ပင်ဖြစ်သည်။
နယ်ဒေသများတွင်ပင် USDP အားမဲထည့်ရန် ပိုက်ဆံပေး၍၎င်း၊ခြိမ်းခြောက်၍၎င်း ပြုမှုနေသည်ကိုတွေ့ရသည်။ရွေးကောက်ပွဲတွင်မဲရုံအားစောင့်ကြပ်မည့်မဲရုံကိုယ်စားလှယ်သည် သူတို့လူများကိုပင်ရွေးချယ်ခန့်ထားသည်ဖြစ်ရာ မိမိတို့၏မဲလက်မှတ်များသည်မည်သို့မှအပြစ်အနာအဆာမရှိစေရန် အရေးကြီးပါကြောင်း................
by ရွာဆော် ကြီး
Monday, 20 September 2010
ဒီမိုကရေစီအင်အားစုပါတီတွေနဲ့ကိုယ်စားလှယ်လောင်းတွေကိုကူညီနိုင်မယ့် နည်းလမ်းကောင်း................
ဒီမိုကရေစီအင်အားစုပါတီတွေနဲ့ကိုယ်စားလှယ်လောင်းတွေကိုကူညီနိုင်မယ့် နည်းလမ်းကောင်း................
by ရွာဆော် ကြီး on Sunday, September 19, 2010 at 3:01am
ဒီနေ့ကနေစပြီးရေတွက်မယ်ဆိုရင် ရွေးကောက်ပွဲရက်ကို ရောက်ရှိဖို့ ရက်ပေါင်း(၅၀)သာလိုပါတော့တယ်။
အတည်ပြုချက်ကိုရရှိတဲ့ကိုယ်စားလှယ်လောင်းတွေအနေနဲ့ ကျန်ရှိတဲ့ရက်ပေါင်း(၅၀)နဲ့ သူတို့ယှဉ်ပြိုင်မယ့် မဲဆန္ဒနယ်မှာ သူတို့ရဲ့ပြိုင်ဘက် ကျောထောက်နောက်ခံကောင်းတဲ့ပါတီတွေနဲ့ယှဉ်ပြိုင်ဖို့ဆိုတာ မလွယ်လှပါဘူး။
USDP လို လမ်းလည်းမခင်းပေးနိုင်ပါဘူး။ပါတီကိုထောက်ခံတဲ့လူတွေကို ဆိုင်ကယ်လည်းမပေးနိုင်ပါဘူး၊CDMA 450 လည်းမချပေးနိုင်ပါဘူး။
ဒါပေမယ့် သူတို့ရင်ထဲမှာရှိတာက ပြည်သူတွေအတွက် မေတ္တာတရားပါ။သူတို့တွေ တပ်ဦးကနေဦးဆောင်လိုက်လို့ ပြည်သူတွေအဆင်ပြေပြီဆိုရင် ၀မ်းသာနေတာက သူတို့ရဲ့ ရင်တွင်းဖြစ်ပါ။သူတို့စိုက်တဲ့ အပင်က အသီးအပွင့်ကို မစားရရင်နေ..သူများစားနေတာကိုမုဒီတာပွားနေမယ့် လူတွေလည်းဖြစ်ပါတယ်။သူတို့တွေဟာနှစ်ပေါင်းများစွာ ဒီမိုကရေစီနဲ့လူ့အခွင့်အရေးအတွက် မားမား မတ်မတ်ရပ်တည်ခဲ့သူတွေလည်းဖြစ်ပါတယ်။
ဒါပေမယ့် တိုက်ပွဲက စတော့ပါမယ်။ရန်သူက ကျည်ထိုးထားပြီးပြီ။သူတို့မှာ က ကျည်မပြောနဲ့ လက်နက်တောင် ဘယ်နေရာက ရမယ်မှန်းမသိပါဘူး။
ကိုယ်စားလှယ်လောင်းတဦးဟာ သူဝင်ရောက်ယှဉ်ပြိုင်မယ မဲဆန္ဒနယ်မှာသူ့အတွက်(က)ကိုယ်စားလှယ်(သို့)အောင်နိုင်ရေးမန်နေဂျာ ထားရှိရပါမယ်။
(ခ)ရုံးခန်းဖွင့်လှစ်ရပါမယ်။(ဂ)လိုအပ်တဲ့စာရေးကိရိယာတွေဝယ်ယူရပါမယ်။(ဃ)ရုံးခန်းအတွက် အနည်းဆုံး စာရေး(၁)ယောက်ထားရှိရပါမယ်။(င)မဲဆွယ်စည်းရုံးဖို့ နေရာ၊ဟောပြောမယ့်နေရာငှားရမ်းရပါမယ်။(စ)သူ့ရဲ့အကြောင်းကို ပြည်သူတွေသိအောင် လက်ကမ်းစာရွက်တွေဝေငှရပါမယ်၊(ဆ)ရွေးကောက်ပွဲကျင်းပတဲ့နေ့မှာ မဲရုံကိုယ်စားလှယ်အဖြစ်ကူညီမယ့် ပြည်သူတွေ(သို့)ပါတီဝင်တွေကို သင်တန်းပေးရပါမယ်။(ဇ)ရွေးကောက်ပွဲကျင်းပတဲ့နေ့မှာ မဲရုံကိုယ်စားလှယ်တွေကို ထမင်းစရိတ်၊လမ်းစရိတ်ပေးရပါမယ်။
ဒါတွေဟာ ကိုယ်စားလှယ်လောင်း တယောက် မဖြစ်မနေ ကုန်ကျမယ့် စရိတ်တွေပါ။
ဒီကိစ္စတွေလုပ်ဆောင်ဖို့ အတွက် ကိုယ်စားလှယ်လောင်းအချို့မှာသာလုံလောက်တဲ့အင်အားရှိမယ်လို့ထင်ပါတယ်။ဒါပေမယ့် ကျန်ရှိတဲ့ကိုယ်စားလှယ်လောင်းအများစုကတော့ သူတို့ရဲ့ဖြတ်သန်းရမယ့် ရက်ပေါင်း(၅၀)ကိုမျှော်ကြည့်ရင်းရင်လေးနေကြရမှာ အမှန်ပါပဲ။တိုက်ပွဲကိုနိုင်အောင်တိုက်မယ့် လူတစ်ယောက်အဖို့ အနောက်က အင်အားမရှိတာ ၀မ်းနည်းစရာပါ။
ဒီအတွက်ကြောင့် ကျွန်တော်တို့အနေနဲ့ ကိုယ်စားလှယ်လောင်းတွေကို ဘယ်ပုံဘယ်နည်းနဲ့ ကူညီကြရမယ်ဆိုတာ တွေးတတ်ရပါတော့မယ်။
အထက်မှာတင်ပြခဲ့တဲ့ အချက် (၈)ချက်မှာ ဘယ်အချက်ကို ငါဝင်အားဖြည့်လိုက်ရင် ငါကြိုက်တဲ့ကိုယ်စားလှယ်လောင်း၊ငါ့နယ်မှာဝင်ရွေးမယ့်ကိုယ်စားလှယ်လောင်းဘယ်လိုသက်သာသွားမယ်ဆိုတာ မြင်တတ်ရပါလိမ့်မယ်။
ကျွန်တော်တင်ပြခဲ့တဲ့ အချက်(၈)ချက်လုံးမှာ အဓိကအချက်ဖြစ်တဲ့ Key တစ်ခု ဟာ အချက်(၂)ချက်ကိုပြေလည်သွားစေနိုင်ပါတယ်။
ဘာလဲဆိုတော့ လူတိုင်းလူတိုင်းဟာ မိမိရဲအသိစီတ်နဲ့မဲရုံကိုယ်စားလှယ်တာဝန်ကို ကိုယ့်စားရိတ်နဲ့ကိုယ် ၀ိုင်းဝန်းကူညီပေးခြင်းပါပဲ။
နိုင်ငံနဲ့လူမျိုးရဲ့ကံကြမ္မာကိုဆုံးဖြတ်ပေးနိုင်မယ့်နိုဝင်ဘာ(၇)ရက်နေ့တစ်ရက်တည်းမှာ မိမိနှစ်သက်သဘောကျတဲ့ပါတီက ကိုယ်စားလှယ်လောင်းအတွက် မဲရုံကိုယ်စားလှယ်အဖြစ်လုပ်ကိုင်ပေးခြင်းဟာ မိမိရဲ့အကျိုးစီးပွားကို ဆိုးရွားစွာထိခိုက်ခြင်းမရှိဘဲ မိမိတိုင်းပြည်အား ကောင်းသော အပြောင်းအလဲအဖြစ်ရောက်ရှိအောင် တွန်းပို့လိုက်တာဖြစ်ပါတယ်။မိမိအနေဖြင့် တစ်ရက်တာမဲရုံကိုယ်စားလှယ်အဖြစ်တိုင်းပြည်တာဝန်ထမ်းဆောင်ခြင်းဖြင့် မိမိထောက်ခံတဲ့ကိုယ်စားလှယ်လောင်းအတွက် ကုန်ကျစရိတ်ကိုလျော့ချနိုင်မည့်အပြင် မဲရုံကိုယ်စားလှယ်အရည်အတွက် ပြည့်မီအောင် ရှာဖွေခြင်းအားအချိန်ကုန်သက်သာစေပြီး အောင်နိုင်ရေးအတွက်အာရုံပိုမိုစိုက်နိုင်ကာ မိမိ၏အကျိုး၊မိမိပတ်ဝန်းကျင်၏အကျိုးကို ကောင်းမွန်စွာဆောင်ကြည်းပေးနိုင်မှာဖြစ်ပါတယ်။
ကျွန်တော်တင်ပြတဲ့ မဲရုံကိုယ်စားလှယ်ကိစ္စဟာလူတစ်ဦးချင်းအတွက်အရေးမကြီးပေမယ့် နိုင်ငံတစ်ခုရဲ့အလှည့်အပြောင်းမှာ လွန်စွာမှပင်အရေးပါပါတယ်။ဒီမိုကရေစီကျင့်ထုံးဆိုင်ရာ ကိစ္စရပ်မှာမဲပေးခြင်းကို ရင်းနှီးပြီးသာ နိုင်ငံများမှာတောင် တိကျမှန်ကန်မှုရှိအောင်Computing system ဖြင့် မဲရေတွက်ခြင်းကို ပြုလုပ်နေချိန်မှာ ကျွန်တော်တို့ နိုင်ငံလို အာဏာရှင်အုပ်စိုးတဲ့နိုင်ငံမှာ ကျင်းပမယ့် ရွေးကောက်ပွဲမှာ မဲရေတွက်မှုစနစ်ဟာ ဘယ်လောက်များတိကျမယ်ဆိုတာ ပြောလို့မရပါဘူး။
ဒီအတွက် Key Player တွေက ဒီမိုကရေစီဘက်တော်သားတွေဖြစ်တဲ့ မဲရုံကိုယ်စားလှယ်တွေပါပဲ။သူတို့ရဲ့ အင်အား၊သူတို့ရဲ့ လုပ်ဆောင်ချက်နဲ့သာ တိုင်းပြည်ကို ကောင်းသောအပြောင်းအလဲသို့ ဆောင်ယူသွားနိုင်မှာဖြစ်ကြောင်း.......................
by ရွာဆော် ကြီး
Saturday, 18 September 2010
တပ်ဦးကအလံကိုင်နေတဲ့ဒီမိုကရေစီအမတ်လောင်းတွေကိုကူညီကြရအောင်.................
တပ်ဦးကအလံကိုင်နေတဲ့ဒီမိုကရေစီအမတ်လောင်းတွေကိုကူညီကြရအောင်.................
by Ywarsaw Gyi on Saturday, September 18, 2010 at 2:16am
ကျွန်တော်တို့မြန်မာနိုင်ငံမှာ နှစ်ပေါင်း(၂၀)အတွင်း ပထမဆုံးအကြိမ် စစ်တပ်ရဲ့အစောင့်အရှောက်နဲ့ လမ်းညွှန်ဒီမိုကရေစီကို ဖော်ဆောင်ဖို့ကြိုးစားနေတဲ့အချိန်ကာလလည်းဖြစ်ပါတယ်။
ဒီအချိန်မှာ ပါတီတွေဟာ တွေ့ကြုံရတဲ့အခက်ခဲတွေကလည်း မျိုးစုံကိုကြုံတွေ့နေရပါတယ်။ကြုံတွေ့နေရတဲ့အခက်အခဲတွေအပြင်ရွေးကောက်ပွဲကော်မရှင်ကထုတ်ပြန်တဲ့ စည်းကမ်းချက်တွေဟာ နဂိုကတည်းက အင်အားချည့်နဲ့နေတဲ့ပါတီတွေကို အသက်ရှုကျပ်စေခဲ့ပါတယ်။
လက်ရှိပါတီတွေမှာကြုံတွေ့နေရတဲ့ အခက်အခဲကို လေ့လာကြည့်ရင်
ပထမပိုင်းက ရွေးကောက်ပွဲကော်မရှင်က ထုတ်ပြန်တဲ့စည်းမျဉ်းစည်းကမ်းတွေဒါက အပြင်ကလာတဲ့ဖိအားတွေပေါ့
ဒုတိယပိုင်းက ပါတီတွေရဲ့ရန်ပုံငွေပိုင်း ဒါက သူတို့ရင်ဆိုင်နေရတဲ့ အတွင်းပိုင်းပြဿနာပါ။
ရွေးကောက်ပွဲကော်မရှင်က ပါတီတိုင်းအတွက် မှတ်ပုံတင်ကြေး ပေးရတဲ့ကိစ္စနဲ့စပြီး ပါတီတိုင်းကိုငွေကြေးပြဿနာနဲ့ရင်ဆိုင်ခိုင်းပါတယ်။နောက်ထပ်လာတာက ရွေးကောက်ပွဲမှာဝင်ရောက်ယှဉ်ပြိုင်မယ့် ကိုယ်စားလှယ်လောင်းတဦးရဲ့ မှတ်ပုံတင်ကြေး(၅)သိန်းပါ။ကိုယ်စားလှယ်လောင်းတွေဟာ မှတ်ပုံတင်ဖို့ လုပ်ဆောင်ရတာက (၅)သိန်းအပြင် မြန်မာနိုင်ငံရဲ့ ထုံးစံအရ ဘာကြေးညာကြေးနဲ့ စုစုပေါင်း(၆)သိန်းဝန်းကျင်ကုန်ကျပါတယ်။အဲဒီအခါ စကြုံတွေ့ရတာက တိုင်းပြည်နဲ့လူမျိုးအတွက် နှစ်ပေါင်းများစွာလုပ်လာတဲ့ နိုင်ငံရေးသမားတွေဟာမရရင် ရတဲ့နေရာကနေ တိုင်းပြည်နဲ့ပြည်သူအတွက်လုပ်မယ်ဆိုပြီး ရွေးကောက်ပွဲဝင်ဖို့ပြင်ဆင်တော့ ရွေးကောက်ပွဲဝင်ရင်ကုန်ကျမယ့် စရိတ်ကိုသူတို့မတတ်နိုင်ကြဘူး။ဒါက သူတို့ဘ၀တလျှောက်လုံးနိုင်ငံနဲ့လူမျိုးကို ပေးဆပ်ခဲ့တာတွေရဲ့ရလဒ်ပါ။ဒါကြောင့် ရွေးကောက်ပွဲဝင်မယ့်ကိုယ်စားလှယ်လောင်းတွေ ဟာ လိုအပ်တဲ့ပိုက်ဆံကို အတိုးကြီးကြီးနဲ့ချေးရပါတယ်။၊ပါတီတွေဆီကလည်း ထောက်ပံ့ကြေးတွေရအောင် မျက်နှာချိုသွေးရပါတယ်။ဒါပေမယ့် မှုဝါဒတွေမတူတော့ အောက်ကြို့ခံရတာတွေရှိပါတယ်။တချို့ပါတီတွေကလည်းကိုယ်နဲ့မတူတဲ့မှုဝါဒတွေကိုကိုင်စွဲထားတဲ့ ကိုယ်စားလှယ်တွေကို ငြင်းပယ်ခဲ့တာတွေလည်းရှိပါတယ်။ကိုယ်စားလှယ်လောင်းတွေကို စာရင်းတင်ဖို့ နောက်ဆုံးသတ်မှတ်ရက်(၈ လပိုင်း၃၀ရက်)အမှီကြိုးစားနေတဲ့ ကိုယ်စားလှယ်လောင်းတွေဟာ သူတိုလိုအပ်တဲ့ပိုက်ဆံကို ပါတီကလည်းမထောက်ပံ့နိုင်၊ငွေတိုးချေးတဲ့လူကလည်း ဖိအားအမျိုးမျိုးကြောင့်ငွေမချေူပေးနိုင်ဘူး။ဒါကြောင့် လာမယ့်ရွေးကောက်ပွဲမှာ ၀င်ရောက်ယှဉ်ပြိုင်မယ့်မဲဆန္ဒနယ်(၈၄)နယ်မှာ ယှဉ်ပြိုင်သူမရှိဘဲ USDP လက်သို့ ထိုးအပ်လိုက်ရသည်။ကျွန်တော်စဉ်းစားမိသည်အမေရိကန် သမ္မတ ကနေဒီက (ပြည်သူတိုင်းသည် ၎င်းတို့နှင့်ထိုက်တန်သည့်အစိုးရကိုသာရရှိကြသည်)ဟူသောစကားအား ပြောခဲ့သည်မှာမှန်ပေသည်ဟူသောအတွေးပင်ဖြစ်သည်။ကျွန်တော်တို့နိုင်ငံသားများမြုပ်နှံခဲ့သော အကျိုးအမြတ် သည် ၂၀၁၁ တွင် ပြန်လည်လက်ခံရမည်မှာသေချာသလောက်ပင်ဖြစ်သည်။
ယခုအချိန်ကာလသည် နိုင်ငံရေးပါတီများ၊တစ်သီးပုဂ္ဂလများ မဲဆွယ်စည်းရုံးမှုစတင်ရတေ့မည့်အချိန်ကာများဖြစ်သည်။ရွေးကောက်ပွဲတွင် ၀င်ရောက်ယှဉ်ပြိုင်သော ကိုယ်စားလှယ်လောင်းများသည် မိမိတို့၏မဲဆန္ဒနယ်တွင် စည်းရုံးရေးလုပ်ငန်းစဉ်များစတင်ရတော့မည်ဖြစ်သည်။ ရွေးကောက်ပွဲကော်မရှင်မှ သတ်မှတ်ထားသောစည်းကမ်းများတွင် ဟောပြောပွဲများအား အားကစားကွင်း၊ခန်းမများတွင်သာပြုလုပ်ရမည်၊လော်စပီကာမသုံးရ၊ဆောင်းဘောက်သာသုံးရမည်။တက်ရောက်မည့်ဧည့်သည်စာရင်းအား ခရိုင်ကော်မရှင်နဲ့လုံခြုံရေးအဖွဲ့သို့တင်ပြရမည်ဖြစ်ပြီးရပ်ရွာလုံခြုံရေးအတွက် ဟောပြောပွဲသို့ လုံခြုံရေးတပ်ဖွဲ့များမှလာရောက်စောင့်ကြပ်မည်ဖြစ်ပြီး
ပွဲတက်ရောက်သူများအား မှတ်တမ်းတင်ထားမည်ဖြစ်သည်။ထိုစည်းကမ်းချက်များအား ချပြထားသည်မှာ မဲဆွယ်စည်းရုံးပွဲများသို့ ပြည်သူများလာရောက်ခြင်းမရှိစေရန်ရည်ရွယ်ကြောင်း ကိုယ်စားလှယ်လောင်းများမှ တညီတညွတ်တည်းသုံးသပ်ကြသည်။ထို့အချက်များကြောင့် ပါတီအသီးသီးမှရွေးကောက်ပွဲဝင်မည့်ကိုယ်စားလှယ်လောင်းများကသော်၎င်း၊တစ်သီးပုဂ္ဂအမတ်များကသော်၎င်း စည်းရုံးရေးဆင်းမည့်ပုံစံမှာ မိမိတို့၏မဲဆန္ဒနယ်တွင် အိမ်တိုင်ရာရောက် သွားရောက်ကာပြည်သူနှင့်တိုက်ရိုက်တွေ့ဆုံမည်ဖြစ်ပြီး၊၎င်းတို့၏ ကိုယ်ရေးရာဇ၀င်၊၎င်းတို့၏အမှတ်တံဆိပ်များအားဝေငှမည်ဖြစ်သည်။ကိုယ်ရေးရာဇ၀င်ဝေငှရာတွင် ကုန်ကျစရိတ်မှာ ပန်းဖလက် တရွက်လျှင် ၁၀၀ နုန်းကျသင့်မည်ဖြစ်ပြီး သော့ချိတ်တစ်ခုအတွက်မှု ၁၀၀ကျပ်ကျသင့်မည်ဖြစ်သည်။ထို့ကြောင့်ကိုယ်စားလှယ်လောင်းတစ်ယောက်အနေဖြင့်ဥပမာ(လူဦးရေ ၁သိန်းခွဲရှိသော မြို့နယ်တစ်ခုတွင်လူ(၁၅)ဦးလျှင် (၁)ရွက် သော့ချိတ်တစ်ခုနှုန်းဖြင့် ဝေငှလျှင် သိန်း(၂၀)ကုန်ကျမည်ဖြစ်သည်။ဒါတောင်သွားလာရေးစရိတ်မပါသေးပါ။နိဝင်ဘာ(၇)ရက်နေ့တွင်ကျင်းပမည်ဖြစ်သော ရွေးကောက်ပွဲတွင် မဲပေးမည့်သူ(၃၀၀)ရှိလျှင် မဲရုံ(၁)ရုံဆောက်လုပ်ပြီး ထိုမဲရုံတွင် ထားရှိမည့် မဲရုံကိုယ်စားလှယ်လောင်း(၁)ယောက်၏စရိတ်သည် တနေ့စာအတွက် ၃၀၀၀ကျပ်ကျသင့်မည်ဖြစ်သည်။မဲပေးနိုင်မည့်လူဦးရေ(၅၀၀၀၀)ရှိသောမြို့နယ်တမြို့နယ်တွင် မဲရုံပေါင်း(၁၆၅)ရုံရှိမည်ဖြစ်ပြီးထိုနေ့အတွက် ကိုယ်စားလှယ်လောင်းတဦးကုန်ကျစရိတ်မှာ (၆)သိန်း ရှိမည်ဖြစ်သည်။
သေချာစွာကြည့်လျှင် ၂၀၁၀ရွေးကောက်ပွဲတွင်ဝင်ရောက်ယှဉ်ပြိုင်မည့်ကိုယ်စားလှယ်လောင်းတစ်ဦးသည် အနည်းဆုံး (၃၃သိန်း)ကုန်ကျမည်ဖြစ်သည်ကိုတွေ့ရသည်။
ကျွန်တော်တို့စဉ်းစားရမည်မှာ ကိုယ်စားလှယ်လောင်းတဦးသည် ဤမျှလောက်ငွေကြေးအင်အားရှိပါမည်လော?
ရှိသည့်လူတွေလည်းရှိပါသည်။သို့သော်နှစ်ပေါင်းများစွာ ဒီမိုကရေစီနှင့်လူ့အခွင့်အရေးအတွက် တိုက်ပွဲဝင်ခဲ့သောလူတယောက်အဖို့ ဤမျှလောက်ငွေကြေးအင်အားကိုမရှာဖွေနိုင်ပါ။
ထို့ကြောင့် ကျွန်တော်တို့လုပ်ပေးနိုင်သည့်အရာမှာ မိမိတို့၏မိသားစု၊သူငယ်ချင်း၊ဆွေမျိုး၊ပတ်ဝန်းကျင်တွင် ၀င်ရောက်ယှဉ်ပြိုင်မည်ဖြစ်သောကိုယ်စားလှယ်အား သူ၏နောက်ကြောင်းရာဇ၀င်၊သူ၏အရည်အချင်းအား လေ့လာ၍ ထိုသူလိုအပ်သော လိုအပ်ချက်ကိုထောက်ပံ့ပေးနိင်လျှင် ပြည်သူတစ်ယောက်၏တာဝန်ကျေပွန်မည်ဖြစ်သည်။ပြည်သူတစ်ယောက်အနေဖြင့် အလုပ်ရှုပ်ခံမလေ့လာလိုလျှင်မှု တိုင်းပြည်အကျိုးကိုအမှန်တကယ်ဆောင်ရွက်ပေးနိုင်မည်ဟုထင်မြင်သောပါတီတရပ်ရပ်အား လိုအပ်သောအကူအညီထောက်ပံ့သင့်ပါသည်။
ပြည်သူများသည် ၎င်းတို့နှင့်ထိုက်တန်သောအစိုးရတစ်ရပ်ရရှိစေရန် ၎င်းတို့ကိုယ်တိုင် ကြိုးစားမှရမည်ဟုထင်မြင်မိကြောင်း....................
NDF
ဒီနေ့၁၈၊၉၊၂၀၁၀ အမျိုးသားဒီမိုကရေစီအင်အားစုရဲ့အောက်မြန်မာပြည် လွှတ်တော်ကိုယ်စားလှယ်လောင်းများတွေ့ဆုံဆွေးနွေးပွဲ NDF ရုံးချုတ်တွင်ကျင်းပသည်။
Thursday, 16 September 2010
ကျွန်တော် တို့အားလုံး သမိုင်းရေးနေသည် - Boycott ?
ကျွန်တော် တို့အားလုံး သမိုင်းရေးနေသည် - Boycott ?
by MyanmarElection Watch on Thursday, September 16, 2010 at 5:04pm
( ပြည်တွင်းမှ Blogger တဦး ရေးသား ပေးပို့သည် )
ကျွန်တော် စာမရေးဖြစ်တာ တော်တော်ကြာနေပြီဖြစ်ပါတယ်။ စာမရေးဖြစ်ပေမယ့် သတင်းတွေကိုတော့ မပြတ်တမ်း ဖတ်ဖြစ်၊ ကြည့်ဖြစ်ပါတယ်။ မွေးကတည်းက ပြည်တွင်းမှာပဲ တပ်မတော်အုပ်ချုပ်ရေးနဲ့ တမိသားစုလုံး အသားကျလာတာဆိုတော့ အခုလို အုပ်ချုပ်ရေးစနစ်ပြောင်းတော့မယ်ဆိုတဲ့ ရွေးကောက်ပွဲ အသံတွေ ကျယ်ကျယ်လာတာနဲ့အမျှ ရင်ထဲမှာတစ်မျိုးတောင် ခံစားရ ဖြစ်မိတယ်။
အခုအပြောင်းအလဲက ဘယ်လိုပဲပြောပြော၊ ဘယ်လောက်ပဲ မျှော်လင့်မျှော်လင့် သိပ်တော့ ဟန်လှတယ် မဟုတ်တာကို တဖြည်းဖြည်းတွေ့လာရတယ်လို့ ကျွန်တော်တော့ ခံစားရပါတယ်။ ဒါပေမယ့်လို့ ကျွန်တော်ကတော့ ကျွန်တော့်အရွယ်၊ ကျွန်တော့်အသိအမြင်အရ အခုလို အပြောင်းအလဲမျိုး တွေ့ကြုံရတာကို လူငယ်တစ်ယောက်အနေနဲ့ ကျေနပ်မိတယ်။ ဒါဟာ ကျွန်တော်တို့ သမိုင်းဖြစ်စဉ်မှာ ဝင်ရောက်စီးမြောခွင့် ရတယ်လို့ ယူဆတဲ့အတွက်ကြောင့်ပါ။
ဒီမိုကရေစီဟာ နောက်ဆုံးပန်းတိုင်မဟုတ်ဘူး လို့ ပြောတဲ့သူရှိသလို၊ ရွေးကောက်ပွဲဟာ ဒီမိုကရေစီ မဟုတ်ဘူးလို့ ပြောကြတာလဲ ရှိပါတယ်။ ကျွန်တော်အယူဝါဒအားလုံးကို မငြင်းပါဘူး။ သူ့အယူအဆနဲ့သူ၊ သူ့ ရပ်တည်ချက်နဲ့ သူတော့ မှန်တာပဲလို့ မြင်ပါတယ်။ ကျွန်တော် ဘက်ပြောင်းကြည့်နိုင်ဖို့ပဲ ကြိုးစားပါတယ်။
အခုအပြောင်းအလဲက မျှော်လင့်သလောက်တော့ လုံးဝဖြစ်မလာတော့ဘူးဆိုတာ သေချာပါတယ်။ ဒါပေမယ့် လူငယ်တစ်ယောက်အနေနဲ့ ပြောရရင် ကျွန်တော့်ကတော့ ဗြုန်းကနဲ နတ်ပြည်ခုန်တက်ချင်တဲ့ ဆန္ဒမဟုတ်ပါဘူး။ အပြောင်းအလဲတစ်ခုကို တောင့်တတာပါ။ အဲဒီအပြောင်းအလဲက ကောင်းချင်မှ ကောင်းမယ်ဆိုတာကို သိထားပါတယ်။ ပိုဆိုးကောင်းတောင် ဆိုးသွားနိုင်တယ်လို့လည်း ကြိုတွက်ထားပါတယ်။ ဒါနဲ့များ ဘာကြောင့် ပြောင်းလဲချင်နေရသလဲလို့ မေးစရာရှိပါတယ်။
ရိုးရိုးပဲ တွေးပြောရရင်တော့ဗျာ မြန်မာနိုင်ငံကို အရင်က ဘဘကြီးတစ်ယောက်တည်း လုပ်ချင်ရာ လုပ်တာကနေ လူအများ ဝိုင်းပြောနိုင်၊ ပါဝင်ဆွေးနွေးနိုင်တဲ့ အနေအထားကို ကောင်းကောင်းမကောင်းကောင်း စမ်းကြည့်လိုက်ချင်တယ်။ လူအများဆိုရာမှာလည်း စစ်တပ် အစိတ်ဖြစ်ဖြစ်၊ ကြံ့ဖွံ့နဲ့ တစညအများစုပဲဖြစ်ဖြစ်၊ ဒီမိုကရက်တစ်အင်အားစု တစ်မူးသားပဲပါပါ ခင်ဗျာ။ ဘာကြောင့်လဲဆိုတော့ ကျွန်တော် အာဏာရှင် ဗိုလ်ချုပ်မှူးကြီးကို မယုံလို့ပါ။
ကျွန်တော်တွေးမိသလောက် ပြောကြည့်ပါရစေ။ ဒီမိုကရေစီ နိုင်ငံဖြစ်ဖို့ နည်းလမ်းများစွာ ရှိပါတယ်။ မြန်မာနိုင်ငံရဲ့ လက်ရှိ အနေအထားက အကြပ်အတည်း ကာလထဲမှာ ဖြစ်နေပါတယ်ခင်ဗျာ။ ဖိလစ်ပိုင်လို လူထုအင်အား အသုံးပြုပြီး လူထုလှုပ်ရှားမှုနဲ့ သွားလို့ရနိုင်မလားဆိုတာ ပထမဆုံး စဉ်းစားမိပါတယ်။ တော်တော်ခက်ပါလိမ့်မယ်။ မရဘူးတော့ မပြောလိုပါဘူးခင်ဗျာ ဒါပေမယ့် တော်တော်ခက်ပါလိမ့်မယ်။ ဘာကြောင့်လဲ ဆိုတော့ ထိုင်းနိုင်ငံကို ဥပမာပြုကြည့်နိုင်ပါတယ်။ ရှပ်နီအရေး မအောင်မြင်ခဲ့တာကို ကြည့်မိတာကြောင့်ပါ။ မြန်မာ တပ်မတော်ရဲ့ စွမ်းရည် ကိုလည်း ၁၉၉၀ ကစလို့ ၈၈ အရေးအခင်းနဲ့ စက်တင်ဘာ ရွှေဝါရောင် လှုပ်ရှားမှုတွေကိုကြည့်ရင် သိနိုင်ပါတယ်။ မြန်မာ့ တပ်မတော်ရဲ့ စွမ်းရည်ဟာ ထိုင်းစစ်တပ်နဲ့ ယှဉ်ကြည့်ရင် တော်တော်ကွာတယ်ဆိုတာ သိသာပါတယ်။ စွမ်းရည်ဆိုရာမှာ စစ်ရေးစွမ်းရည်ထက် နိုင်ငံရေး အကျပ်အတည်းအပေါ် ကိုင်တွယ်ဖြေရှင်းမှု စွမ်းရည်ကို အဓိက ရည်ရွယ်လိုပါတယ်။ ဒါကြောင့် ဒီလမ်းဟာ တော်တော်ခက်ပါလိမ့်မယ်။
နောက်ဒုတိယတစ်နည်းက လက်နက်ကိုင်ပြီး အပြုတ်တိုက်တဲ့ နည်းပေါ့ခင်ဗျာ။ အဲဒါကလည်း ၁၉၉၀ကနေ အခုအချိန် ၂၀၁၀ အထိ လက်နက်ကိုင် အင်အားစုတွေအနေနဲ့ အကြောင်းကြောင်းကြောင့် အောင်မြင်အောင် မလုပ်နိုင်ခဲ့တာကို ကြည့်ရင် ဒီနည်းဟာလဲ လွယ်တယ်၊ မလွယ်ဘူး ဆိုတာထက် ပိုတာကို သိနိုင်ပါတယ်။
တတိယနည်းကတော့ တိုင်းရင်းသားသွေးစည်းညီညွတ်ရေးနဲ့ တွေ့ဆုံဆွေးနွေးရေးပေါ့ခင်ဗျာ။ အဲဒါလည်း ဒေါ်အောင်ဆန်းစုကြည်နဲ့ ဒီမိုကရေစီအင်အားစုများက အလျှော့ပေးတာတောင် ဗိုလ်ချုပ်မှူးကြီးက မလျှော့ခဲ့တဲ့အတွက် နှစ်နှစ်ဆယ် အတွင်း ဘာထူးခြားမှုမှ မရှိခဲ့တာသိသာပါတယ်။
အဲတော့ဒီသုံးနည်းက မလွယ်ဘူးဆိုရင် အခြားဘာနည်းများ ကျန်ပါသေးသလဲ ခင်ဗျာ..။
ကျွန်တော်ကြားဖူးတာတစ်ခုရှိပါတယ်။ အာဏာရှင်များဟာ သူတို့သေမှပဲ အာဏာကို စွန့်ပါတယ်တဲ့။ သူတို့ အသက်ရှိနေသရွှေ့တော့ ဘယ်တော့မှ လွယ်လွယ်နဲ့ အာဏာကို မစွန့်ပါဘူး။ ဗိုလ်ချုပ်မှူးကြီးဟာ အသက် ၇၈ နှစ်ရှိပါပြီ။ သူရှိနေသရွေ့က အပြောင်းအလဲဆိုတာ မသေချာပါဘူး။ ဘယ်အချိန်သေမလဲ ဆိုတာလဲ ဘယ်သူမှ သေချာမပြောနိုင်ပါဘူး။
အာဏာရှင်ကြီးဆီက မျှော်လင့်နေကြသူတွေလား
၂၀၁၀ ရွေးကောက်ပွဲ တစ်ခုတည်းကနေပြီးတော့ ဒီမိုကရေစီနိုင်ငံကို ဘယ်လိုမှ ချက်ခြင်း တန်းမသွား နိုင်ဘူးဆိုတာ သေချာပါတယ်ခင်ဗျာ။ တိုင်းပြည်အပြောင်းအလဲဟာ အခု ရွေးကောက်ပွဲ တစ်ခုတည်း ကနေပြီး လုံးဝအဖြေမထွက်နိုင်ပါဘူး။ ကျွန်တော် ကောင်းကောင်းကြီး လက်ခံပါတယ်။
ဒီပွဲဟာ လွတ်လပ်မှုလည်းမရှိဘူး။ မျှတဖို့ကလည်း ခက်လိမ့်မယ်။ ဒီမိုကရေစီ ကျင့်ထုံးတွေ၊ စံနှုန်းတွေနဲ့ မညီဘူး။ အဲဒါတွေအားလုံး မှန်ပါတယ်။ သို့ပေမယ့်လို့ ကျွန်တော်တော့ ဘယ်အာဏာရှင်ကမှ ရွေးကောက်ပွဲ ဒီမိုကရေစီကျင့်ထုံးတွေနဲ့ အညီလုပ်ပေးတယ်လို့ မကြားဖူးပါဘူး။ အဲဒါကြောင့် အခုလို တိုင်းရင်းသား သွေးစည်း ညီညွတ်ရေးတို့၊ တွေ့ဆုံဆွေးနွေးရေးတို့ကို တောင်းဆိုနေတာဟာ ဒီအာဏာရှင်ကြီးဆီက ရနိုင်မယ်၊ ရလိမ့်မယ်လို့ မျှော်လင့်ပြီးတော့များ တောင်းဆိုနေကြသလားဆိုတဲ့အတွေး ဝင်မိပါရဲ့ဗျာ။ ကျွန်တော်ကတော့ တွေ့ဆုံ ဆွေးနွေးရေးဆိုတဲ့ အဓိက ပန်းတိုင်ကို ချည်းကပ်နိုင်ဖို့ ဒီမမျှတတဲ့ ၂၀၀၈ ဖွဲ့စည်းပုံနဲ့ ရေးဆွဲထားတဲ့ ရွေးကောက်ပွဲကို ဆန့်ကျင် ဗွိုက်ကောက် လုပ်ခြင်းအားဖြင့် ဦးသန်းရွှေဆိုတဲ့ အာဏာရှင်ကြီးကို ဖိအားပေးနိုင်မယ်လို့ NLD ကများ မျှော်လင့်နေသလားလို့ တွေးမိပါတယ်- တွေ့ဆုံ ဆွေးနွေးရေး ရရင်ရော လိုချင်တဲ့ပြောင်းလဲမှုကို ရနိုင်မှာ သေချာသလား ခင်ဗျာ။
ပန်းတိုင်တူနေပြီလား ဦးသန်းရွှေနဲ့ ဗွိုက်ကောက်များ
ဗိုလ်ချုပ်ကြီးဟောင်း ဦးတင်ဦးဟာ ၂၄ နှစ်အတွင်းမှာ ဧရာဝတီတိုင်းကို ပထမဆုံးအကြိမ် ခရီးသွားပြီး ပြန်ရောက်ခဲ့တယ်လို့ RFA စာမျက်နှာကနေ သိရပါတယ်။ သူ့ရဲ့ဇာတိမြေကို ပြန်သွားခွင့်ရတာ ပြောခွင့် ဆိုခွင့် ရတာကို ကြားရလို့ ဝမ်းသာရပါတယ်။
NLD ပါတီဝင်များဟာလည်း အရင်က နှစ်ပေါင်းများစွာက မရရှိခဲ့တဲ့ အထိမ်းအမှတ် စည်းဝေးလုပ်မယ်၊ အဂါင်္နေ့ ဝတ်ပြုဆုတောင်းမယ်၊ ကြေငြာချက်ထုတ်မယ် ကစလို့ မြန်မာပြည်အနှံ့ ခရီးထွက်ဖို့အထိ တို့ကို အခုဆို လွတ်လွတ်လပ်လပ်သွားလာလို့ ရနေပါတယ်။ ဒါတွေလုပ်နိုင်ကိုင်နိုင်ဖြစ်နေတာဟာ အာဏာရှင် ဗိုလ်ချုပ်မှူးကြီးများ စိတ်ကောင်းနှလုံးကောင်း ဝင်နေတဲ့ အတွက်ကြောင့် လို့တော့ ကျွန်တော် မထင်ပါဘူး။ အခုလို သွားခွင့်လာခွင့် ပြောဆိုခွင့် ပေးနေတာဟာ NDF အပေါ်မှာ NLD ရဲ့ အပြုအမူနဲ့ ဆက်စပ်နေလိမ့်မယ်လို့ ယူဆမိပါတယ်။
ကျွန်တော့်အမြင်ကတော့ ဒီမိုကရက်တစ်ပါတီတွေကို အာဏာရှင်ဗိုလ်ချုပ်မှူးကြီးက ရွေးကောက်ပွဲမှာ ပါဝင်ယှဉ်ပြိုင်စေချင်တယ်။ ဒါပေမယ့် သူတို့ကို အနိုင်ရသွားဖို့အထိတော့ လိုလားမှာ မဟုတ်တာ သေချာပါတယ်။ အခုရွေးကောက်ပွဲမှာ သူ့လူအများစုကိုပဲ အနိုင်ရစေချင်မှာပါ။ NLD က NDF ပါတီကို အတိုက်အခံလုပ်နေခြင်း က ဦးသန်းရွှေ NLD ကို လွတ်လပ်စွာ သွားလာ ဟောပြောခွင့် ပေးထားခြင်းနဲ့ တိုက်ရိုက် ဆက်စပ် နေလိမ့်မယ်လို့ ယူဆပါတယ်။
ဗွိုက်ကောက်နဲ့ တိုင်းရင်းသားများအခြေအနေ
ဗွိုက်ကောက်ကို တိုင်းရင်းသားတွေအနေနဲ့ ဘယ်လိုမြင်သလဲ ဆိုတာဟာလဲ အရေးကြီးတဲ့ အချက်တချက်ပါ။
ကျွန်တော်ကြားရသလောက်တော့ ရခိုင်ဘက်မှာဆိုရင် ရခိုင်ဖွံ့ဖြိုးတိုးတက်မှုပါတီက စစ်တွေမှာ တိုင်းဒေသကြီး နှစ်နေရာ၊ ပြည်သူ့လွှတ်တော် တစ်နေရာနဲ့ အမျိုးသားလွှတ်တော်မှာ တစ်နေရာ ဝင်ရောက်ယှဉ် ပြိုင်ဖို့ ရခိုင်တိုင်းရင်းသား အယောက်ငါးဆယ်ထွက်တယ်ဆိုပဲ ခင်ဗျ။ အဲဒါကို ရခိုင်မြို့မိမြို့ဖတွေက မဲနဲ့ လေးယောက်ပြန်ရွေးတယ်လို့ ကြားမိပါတယ်။ ကျွန်တော်တို့ ပြည်မဘက်မှာ အမတ်လောင်းမရှိလို့ အခက်တွေ့ နေတဲ့အချိန်မှာ ရခိုင်ပါတီက အယောက်ငါးဆယ် ထွက်တယ်လို့ ကြားရတာက တမျိုးစဉ်းစားစရာရပါတယ်။ အဲတော့ ဗမာတွေဘက်မှာသာ ဗွိုက်ကောက်စဉ်းစားနိုင်ပေမယ့်
တိုင်းရင်းသားတွေ အနေနဲ့ သူတို့လူမျိုးတွေ ရတဲ့နေရာကနေ ရဖို့ကြိုးစားတာ တွေ့ရတော့ တိုင်းရင်းသားတွေနေရာမှာ ဗွိုက်ကောက် ရဖို့ ခက်လိမ့်မယ်ထင်တယ်။ ရခိုင်ခြောက်ဖွဲ့ ပေါင်းထားတာက ၉၀ ခုနှစ် ကထက် စည်းလုံးတယ်လို့ ပြောဆိုနေကြတာကို လက်ခံရမှာပါ။
တိုင်းရင်းသား ဗမာကွာခြားမှုကိုလည်း အတွေးပွားမိတယ်။ ဒီမိုအင်အားစုများက ဗွိုက်ကောက်အသံကျယ်ပြီး မဲမပေးမယ့် ဘာကြောင့်ပဲဖြစ်နေဖြစ်နေ ကြံ့ဖွံ့နဲ့ တစညကို မဲပေးမယ့် သူများကတော့ သူတို့မဲသူတို့ ပေးကြမှာပဲလို့ ထင်မိပါတယ်။
ရွေးကောက်ပွဲက တဆင့်ဘာမျှော်လင့်သလဲ
အယင်ကတော့ တိုင်းရင်းသားတွေနဲ့ ဒီမိုကရေစီ အင်အားစု ၁၈ ပါတီလောက်ပေါင်းရင် ရွေးကောက်ပွဲ မှာ ၅၃ ရာနှုန်းလောက် နိုင်မယ်လို့ မျှော်လင့်ခဲ့ဖူးပါတယ်။ အဲဒါဆိုရင် လွှတ်တော်ထဲမှာ ဥပဒေအချို့ ပြုလို့ရမယ်။ ပြည်သူဆီကို အသံတွေ ထွက်နိုင်မယ်။ ပြောနိုင်မယ်။ political process စလို့ရမယ်လို့ ထင်မိခဲ့ပါတယ်။
ကျွန်တော်နားလည်သလောက်အရ အခု စီးပွားရေး လုပ်ငန်းရှင်များကို ကောက်ခံနေတဲ့ ပို့ကုန်တင်ပို့မှုက ရငွေစုစုပေါင်းရဲ့ ၁၀ ရာခိုင်နှုန်း အခွန်ဟာ ဥပဒေနဲ့ ပြဌာန်းထားတာမဟုတ်ပါဘူး။ အဲဒီတော့ အဲဒီပြဿနာ အတွက် လွှတ်တော်ခေါ်လို့ရတဲ့အခါမှာ ဒီလို ဥပဒေမရှိဘဲ ပို့ကုန်ခွန်ကို ၁၀ ရာခိုင်နှုန်း အခွန်ကောက်ခံမှုကို ဖျက်သိမ်းဖို့ဆိုတဲ့ ဥပဒေကို တင်မယ်ဆိုရင် ကြံ့ဖွံ့က အမတ်လောင်း ဦးဌေးမြင့်၊ ဦးခင်ရွှေ၊ ဦးဝင်းမြင့်တို့ ငြင်းမယ်များယူဆမိကြပါသလားခင်ဗျာ။ ကျွန်တော်တော့ ၅၁ ရာနှုန်းတောင် ကျော်ဦးမယ်လို့ ထင်ပါတယ်။ သမ္မတကြီးဟာ ဦးသန်းရွှေဖြစ်ဦးတော့ သူဟာ ဒါကို မဖျက်သိမ်းပေးဘူးဆိုရင် မီဒီယာက တစ်ဆင့် ၉၂ ရာနှုန်းကျော်နဲ့ အတည်ပြုထားတဲ့ အခြေခံဥပဒေကို သမ္မတကြီးက အကောင်အထည်ဖော်ဖို့ နောက်တွန့် နေပါတယ်လို့ ဖွလို့ရပါတယ်။ ဒါမျိုးအခွင့်ရလာတာကို political process ရှိလာတယ်လို့ ဆိုရမှာပါ။
ဒါမယ့် တိုင်းပြည်ကံကြမ္မာက အဲလိုလုပ်ခွင့် မပြုဘူးလားမသိဘူးခင်ဗျာ။ ပါတီအသီးသီးက ထွက်လာတဲ့ ရွေးကောက်ပွဲဝင်မယ့် အမတ်လောင်း အမည်စာရင်းကိုကြည့်ပြီး အဲဒါကို ခန့်မှန်းကြည့်မိတယ်။ အားလျော့ သွားမိပါတယ်။အဲ့ဒီလို ဖြစ်ရတာ ဘယ်သူတွေမှာ တာဝန်ရှိသလဲ၊ NDF ပါတီ အမတ်အရေ အတွက်နဲအောင် ဒီမိုကရေစီ အင်အားစုများ ဘက်က ဘယ်သူတွေ ဘာတွေလုပ် ခဲ့တယ် ဆိုတာ သမိုင်းက မှတ်တမ်းတင်မှာပါ။ လောလောဆယ်မှာတော့ မင်းတို့ တာဝန် ပြီးဆုံးပြီ ၊ NDF လည်း လူတရာကျော်ဘဲ ပြိုင်နိုင်တော့တယ်၊ ရှေ့ကို မင်းတို့ မလိုတော့ဘူး ဆိုပြီး NLD ပါတီ ဖျက်ပေးလိုက်ပါပြီ၊ ဘာဆက်လုပ်မလည်းတော့ မသိပါ။
အရင်က ကျွန်တော်မျှော်လင့်မိတဲ့ အခြေအနေ အဲလောက် မသေချာဘူးတော့ ဆိုရင်တောင်မှ နောက် တစ်ဆင့်က သုံးဆယ်ရာနှုန်းလောက် ဒီမိုအင်အားစု နိုင်ရင်လည်း လွှတ်တော်ခေါ်ခွင့် ရနိုင်သေးတယ်။ လွှတ်တော်ခေါ်ပြီး အသံထွက်အောင် လုပ်ရင်းကနေ Political process ကို စနိုင်အောင် လုပ်လို့ရမယ် ဆိုတာက နောက်ထပ် မျှော်လင့်ချက် အလင်းရောင် တစ်ခုပေါ့ခင်ဗျာ။
ကျွန်တော့်မိတ်ဆွေတစ်ယောက်က ပြောတယ်။ “ ရွေးကောက်ပွဲနဲ့ ပတ်သက်ပြီးတော့လည်း ဘာမှ ကြိုပြောတာမျိုးမရှိဘဲ အခြေအနေကို စောင့်ကြည့်ပြီးမှ ရှေ့ကိုတစ်လှမ်းချင်းလောက်ပဲ တစ်ဆင့်ပြီး တစ်ဆင့် ချပြနေတာကိုတောင် သဘောမပေါက်သေးရင်တော့ ရွေးကောက်ပွဲကို လက်ခံသူအားလုံး သမိုင်းတရားခံ ဖြစ်ကြမှာပဲ” လို့ ဆိုတယ်ခင်ဗျ။ ဒါဟာ အမှန်ပဲခင်ဗျ။ ကျွန်တော်တို့ သမိုင်းတရားခံ ဖြစ်သွားနိုင်တယ်။“သမိုင်းတရားခံမဖြစ်ချင်ရင်တော့ ကျွန်တော်တို့ဆန့်ကျင်ရမှာပဲ။ သွားရမယ့်လမ်းက ဗွိုက်ကောက်ပဲဗျ။ ဘာအာမခံချက်ကိုမှ ပေးမထားပဲနဲ့ ဘယ်လိုပဲ အကြောင်းပြပြ မမြင်ရတဲ့ ရွေးကောက်ပွဲပြီး ကာလကို ကောင်းလာမယ်လို့ အကောင်းမြင်မပေးနိုင်စရာ အကြောင်းကို မရှိဘူး။” မိတ်ဆွေ NLD ဟောင်း ကြီး တဦး ကနေ့တိုင်းပြောနေပါတယ်။
ဒါပေမဲ့ ကျွန်တော် ပြန်မေးနေမိတာက ဒါဆို ဘာဆက်လုပ်ကြမှာလဲ။ ဗွိုက်ကောက်ပြီးရင် ဘာလုပ်မှာလဲ။ ကျွန်တော် ၉၀ ရလာဒ်ကို လေးစား အသိအမှတ်ပြုတယ်။ အန်တီစုရဲ့ အရည်အချင်းနဲ့ ခေါင်းဆောင်မှုကို ယုံတယ်ခင်ဗျ။ အန်တီစုသာရှိရင် သူ့ခေါင်းဆောင်မှု နောက်ကနေ သူတင်တဲ့လမ်းကို ရဲရဲလိုက်ဝံ့ပါတယ်။ ကျွန်တော် အကောင်းမြင်ကြည့်ချင်မိပါတယ်။ ဒါပေမဲ့ အန်တီ အပြင်ကို ရောက်ချိန်မှာ ရွေးကောက်ပွဲက ပြီးသွားပြီ ဖြစ်တဲ့ အတွက် နတ်သကြားများ ပေးတဲ့ အဖြေမျိုး တခုဘဲအားကိုး စရာရှိပါလိမ့်မယ်။
အခုအန်တီစု ပြောနေတဲ့၊ ပြောနေတယ်လို့ ထွက်နေတဲ့ အန်တီ့ အသံများဟာ သူကိုယ်တိုင်ပြောတဲ့ အသံဖြစ်တာ သေချာပါသလား။ ကျွန်တော်မသိဘူး။ ကျွန်တော် စဉ်းစားပြီး ပြောမိခြင်းပါ။ အန်တီစုဟာ ၂၀၀၃ခုနှစ် မေလက ဒီပဲရင်းမှာ ဖြစ်တဲ့ကိစ္စကစလို့ ပြည်သူနဲ့ မထိတွေ့ရတာ အခုအချိန်ထိပါ။ သူဟာ ဦးဥာဏ်ဝင်းနဲ့တွေ့တယ်။ နိုင်ငံခြားသား သံတမန်များနဲ့ သုံးလေးကြိမ်တွေ့ခွင့်ရတယ်။ ကျွန်တော်မြင်ရ ကြားရသလောက်က သူအပြင်နဲ့ဆက်ဆံရတာ အဲတစ်ခုပဲ ရှိပါတယ်။
နောက်ထပ် အရေးအကြီးဆုံးဖြစ်တဲ့ အန်တီစုနဲ့ ထိတွေ့တာအများဆုံးက လေလှိုင်းက ရေဒီယို အသံသာ ဖြစ်ပါတယ်။ ရေဒီယို သတင်းများဟာ အင်မတန်မှ အားကိုးရပါတယ်။ ပြည်တွင်းမှာ မကြားရ မသိရတဲ့ သတင်းမှန်သမျှကို ရေဒီယိုကသာပဲ ကျွန်တော်တို့ ရရှိတာပါ။ ဒါပေမယ့် ရေဒီယိုအသံများက သတင်းများကိုသာ လွှင့်ပေးနိုင်ခြင်းဖြစ်ပါတယ်။ တကယ့် အစစ် အမှန်အခြေအနေကို ထင်ဟပ်နိုင်မယ်ဆိုတာ ပြောရခက်ပါတယ်။
ကိစ္စတစ်ခုကို တပတ်လည်အောင် ကြည့်နိုင်မြင်နိုင်ဖို့ဟာ မှန်ကန်တဲ့ ဆုံးဖြတ်ချက်များကို ချနိုင်ဖို့အတွက် အရေးအကြီးဆုံး အချက်ဖြစ်တယ်လို့ ကျွန်တော်ယုံကြည်ပါတယ်။ ပြည်တွင်းပြည်ပက တကယ့် အခြေအနေအမှန်တွေ၊ အသံအစစ်အမှန်တွေကိုသာ အန်တီစု ကြားရမယ်၊ သိခွင့်ရမယ်ဆိုရင် ပိုမိုခိုင်မာ ရှင်းလင်းတဲ့ ရပ်တည်ချက်၊ အတွေးအမြင်တွေ ထွက်ပေါ်လာမလားလို့ ခန့်မှန်းမိပါတယ်။ အန်တီစုဟာ ကျွန်တော်တို့ နှလုံးသားထဲက ခေါင်းဆောင်အဖြစ်နဲ့ အမြဲတမ်းရှိနေမှာ ဖြစ်ပါတယ်။
လက်ရှိအခြေအနေက တကယ့်အကြပ်အတည်းပါ။ ကျွန်တော်တို့ နိုင်ငံရဲ့ အခြေအနေဟာ အာဏာရူးကြီးရဲ့ စိတ်ကူးပေါက်ရာ မူဝါဒများထဲမှာ ဖြစ်ချင်တာဖြစ်နေတာပါ။ ဗိုလ်ချုပ်မှူးကြီး ဘယ်တော့ သေမယ်ဆိုတာ ဘယ်သူမှမသိ နိုင်ပါဘူး။ဒါပေမဲ့ သူသေသွား ရင်ဆိုပြီး ကြိုတင် ပြင်ဆင် ထားသူဆိုလို့ နာရေး သတင်း ရေးဖို့ ကြိုစုထားတဲ့ ဂျာနယ်လစ် တချို့သာရှိပါတယ်။ နောက်လူ dialogue စကားပြောချင်အောင် လုပ်ထားကြတာ မတွေ့ဘူးပါဘူး။
အဲတော့ကျွန်တော့်ရဲ့ မျှော်လင့်ချက်ကတော့ မဲပေးဖို့တစ်ခုပဲရှိပါတယ်။ နီနီ၊ ရဲရဲ၊ ဝါဝါ၊ စိမ်းစိမ်း၊ မဲပေးရပါလိမ့်မယ်။ ဒါပေမယ့် ရွေးကောက်ပွဲမှာ ဒီမိုကရေစီအရေးကို အားပေးမယ်လို့ မထင်တဲ့ခြင်္သေ့များ၊ လွှတ်တော်ခေါ်ရဲမယ်လို့ မထင်တဲ့ ခြင်္သေများကို လုံးဝမဲပေးမှာမဟုတ်ဘူး။ ဒါကြောင့် အခု အမတ်လောင်း များထဲက ပြောရဲဆိုရဲရှိတဲ့သူ၊ လွှတ်တော်ခေါ်ရဲမယ်လို့ သေချာတဲ့သူကိုမဲပေးမယ်။ ဒါမေယ့် ဒီမိုကရေစီကို လိုလားတဲ့ လူငယ်တစ်ယောက်အနေနဲ့ အင်အားများတဲ့ ခမောက်ကို အဓိက မဲပေးမယ်။ အန်တီစုလွတ်လာရင် အန်တီစု တင်တဲ့လမ်းကို လိုက်မယ်။ အခု NLD တွေကိုတော့ လုပ်ပုံကိုင်ပုံ ကြည့်ပြီး ကျွန်တော် ရိုးသားတယ်လို့ မထင်ဘူး။ သဘောထားချင်း မတူတဲ့ တချိန်က လုပ်ဖော်ကိုင်ဖက် ဒီမိုကရေစီ အင်အားစု တခုကို ချေမှုန်းနေတဲ့ အဲဒီ လူများကို ကျွန်တော် ကြည်ညိုလို့ မရတော့ဘူး။ ဒါဟာ ကျွန်တော့်ရဲ့ ရွေးချယ်ချက်ပါပဲ။
’’ပြည်ခိုင်ဖြိုးက ဘယ်လောက်ပဲ တနိုင်ငံလုံးပြိုင်ပြိုင်၊ ခမောက်ပါတီနဲ့ ယှဉ်လာရင် ခမောက် (NDF) ကို မဲထည့်ပါ။ NDF မရှိတဲ့ နေရာမှ တစညကို မဲပေးပါ။ တိုင်းရင်းသားပါတီနဲ့ယှဉ်ရင် တိုင်းရင်းသားပါတီကို မဲထည့်ပါ။ ၁ဝဝ ရာခိုင်နှုန်းမှာ တပ်က အစိတ်ရှိနေပြီ။ ကျန်တဲ့ ၇၅ ရာခိုင်နှုန်းမှာ ကျနော်တို့က ၆ဝ ရာခိုင်နှုန်းနိုင်ရင် ကျနော်တို့ လုပ်ပိုင်ခွင့် ရှိပြီ။’’ ဟု ရခိုင် တိုင်းရင်းသား ခေါင်းဆောင် တယောတ် က မဇ္ဈိမကို ပြောခဲ့တယ်၊ သိပ်မိုက်တယ်ဗျ။
ဘယ်လိုပဲ ပြောင်းပြောင်း၊ ဘယ်လောက်ဖိုးပဲ ပြောင်းပြောင်း၊ တပဲဖိုး လောက်ပဲ ပြောင်းဦးတော့ ကျွန်တော် ကတော့ ကန္တာရထဲက ရေတစ်စက်လို တန်ဖိုးထားမိမှာ ဖြစ်ပါတယ်။ ပြည်ပက ဆရာတို့ ရေ ခင်ဗျားတို့ အကြောင်းပြလို့ကောင်းအောင် ဒီမိုကရေစီ နှုန်းစံ များလဲ မပေါ်ဘူး၊ ခင်ဗျား တို့လဲ ပြန်မလာပါဘူး ဆိုတာ ကျွန်တော်သိ ပါတယ်။ ဒါပေမဲ့ အမှောင်ထဲ ကကျွန်တော် တို့ ဘဝ ကို သနား သလိုလို နဲ့လုပ်စားနေကြတာ ကို တော့ ကန့်ကွက်လိုက်ပါတယ်။ ဟော့ဒီစာပိုဒ်လေး ဖက်ကြည့်ပါ။
Optimistic and sometimes painfully idealistic, the bloggers are strongly opposed to the government but are fed up with what is written about Burma from outside the country: media reports, blogs written by political exiles and human rights websites are all damning of the junta but offer nothing positive, they say. "They are just attacking the regime and nothing else," (Burma's junta can't escape from the net - Asia, World - The Independent www.independent.co.uk) တိုးတက်မှု မရှိတဲ့ အမှောင်ကမ္ဘာထဲမှာ နေခဲ့ကြရတဲ့ နှစ်ပေါင်းက ငါးဆယ် ရှိပြီလေ။
Subscribe to:
Posts (Atom)